بسم الله الرحمن الرحيم
عارفين أنا كل ما أروح لبيتزا هت أستغرب وبقول أزاى هى بتبقى جميلة كده وازاى الجبنه بتبقى مطاطه كده ومش ناشفة زى اللى بنعملها فى البيت
لحد ما وصلت للسر ؟وأيه هو بقى السر..................
أنى وضعت كمية من الجبنة الموتزريلا والجبن الرومى المبشور والجبن المثلثات فى حلة ووضعتها على نار هادية جدا لحد ما ذابت الجبنة ولكن لابد من أن نلاحظها جيدا وأول ماتمسك شوية ممكن نضع نقط قليلة من اللبن لكى يصبح قوامها شبه سائل تماما
ثم نتركها حتى تتجانس تماما وتذوب وكلما احتاجت لبن نضيفة مع ملاحظتها جيدا حتى لا تحترق الجبنه.
ثم نحضر العجينه(عجينه البيتزا) ونفردها ونضعها فى الصينية ونضع عليها المكونات ثم أدخلها الفرن بدون وضع الجبنه عليها ولما تستوى البيتزا شويه من تحت
نخرجها ونفرد عليها الجبنه وندخلها الفرن مرة أخرى حتى يتم سواها ويصبح لونها ذهبى من فوق.
أرجو أن تكون الفكرة وضحت أخوتى الأعزاء
وجربوها هاتطلع زى الجاهزة بالظبط وكلما كتر خليط الجبنه وغطى البيتزا كلها بيكون أحلى وأحلى.
ويارب تعجبكم زى ما عجبتنى